كنت قاعده مع امها بالصاله وعندهم بعض الجارات فجأه ناداها اخوها العنود العنود تعالي
-العنود خير وش عندك ازعجتنا
-محمد بلاسماجه وامشي ابوي يبيتس بغرفتس
-العنود اف بغرفتي اكيد جايني خطيب
-محمد اقول امشي بس
دخلو غرفتها ولقت العنود ابوها منزل راسه
-العنود يبه وشبك خير وش بغيت
-ابومحمد تعالي اقعدي بقول لك قصه
-العنود قصه وش قصته يبه
-ابومحمد من عشرين سنه يابنتي جاني رجل معه ثلاث عيال وبنت وزوجته وكان يشكي من الفقر وانا عياله بيموتون جوع ووقتها انا كان لي بنت متوفيه لها ثلاث ايام وطلب مني الرجال اني اخلي بنته عندي بس كم يوم لحد مايحصل له وضيفه ويجي ياخذها مني
-العنود طيب وش صار بعدين
-ابومحمد ماصر شي جلسنا نتضر الرجال شهر شهرين ولما كملت البنت سنه ومحد جانا طبعن امك رضعت البنت وصارت اخت لعيالي
-العنود طيب يبه وينها البنت الحين
-ابومحمد اااااااه يالعنود
-العنود بعمري سلامتك من الاااااه وشبك
-ابومحمد البنت جالسه قدامي
تلتفت العنود وينها يبه
-ابومحمد انت يالعنود البنت وابوتس عندي بالمجلس يبيتس
توقف العنود اييييييييش مناديني وسوالف ومدري ايش عشان تمزح معي ياثقل مزحك يبه
-محمد ابوي مايمزح يالعنود
-العنود اقول اسكت انت بعد روحو عني بس
-ابومحمد والله يالعنود هذا الصدق وانتي مو بنتي
-العنود بدت تنهار يبه انت وش تقول
-ابو محمد ساكت و?يتكلم
-العنود محمد وش هالخرابيط تبون تجننوني انتم
-محمد عنوده اهدي واسمعيني
-العنود ماني هاديه وهدا كلامكم
-محمد يحاول يهديها عنوده
-العنود وخر وتطلع تصيح وتبكي بقوه وتنادي امها يمه يماااااااه
-ام محمد تطلع مع الجارات خير وشبتس
-العنود يمه منهو ابوي منهو
-ام محمد تشوف علامات الحزن على وجه محمد وابوه ابومحمد وش صار
-ابومحمد ابو العنود عندي
-ام محمد وش جابه بعد هالسنين
-العنود يمه يعني الي يقول ابوي صح
وتكتفي ام محمد بالدموع وتقول ااااااه هذا ليش جاء هذا وش يبي
-ابومحمد يبي بنته
-العنود ? موعلى كيفكم انا مالي الى ابو واحد هو انت وام وحده انتي فاهمين فااااااااهمين
طلعن الجارت لما شافو الوضع كذا والعنود كل شوي تزيد بالصياح والبكي
-محمد يرفع صوته على العنود -احمدي ربك لك اهل وناس مني لقيط ماتعرفين اصلك فكري بالي ينرمون بالشوارع وعند المساجد وش حالهم والى انتي بنت ناس ولهم سمعتهم-
ولما سمعت كلام محمد حست بلحضه انها ارتاحت
-العنود طيب ليش ماقلتو لي من قبل
-ابومحمد يالغاليه ش الفايده لوقلت لك بس تتحسرين لكن الحين اهلك وعرفناهم وجو يبونك
-العنود وينهم كل هالسنين ماجوني وينهم
-ابومحمد بعد ماكملتي سنه نقلنا من بيتنا وهم كانو يدورونك وتو عرفو طريقنا وابوتس واخوتس يبون يشوفونك ترا طولنا عليهم وهم جالسين لحالهم
-العنود مابي اشوفهم الحين
-محمد يلاه بلا دلع يبه رح لهم وبعد صلاة المغرب بتجيهم
-ابومحمد الله يصلحكم سلام
-محمد عنوده امتس مريضه ومرضها بسبب بعدتس تبي تشوفتس
-العنود ان شالله يصير خير
-محمد مسح على راس العنود ومشى عشان ماتنتبه لدموعه الي نزلت
بعدالصلاة جاء محمد للعنود يلاه مشينا
-العنود يلاه ولما وصلو لمجلس الرجال اخذت نفس ودخلت السلام عليكم
-ابوياسر ?اله الى الله ?اله الى الله ياربي لك الحمد ويتقدم للعنود ويحضنها بقوه هلا بنبض قلبي الضايع هلا بنور دنيتي الي طفى من عشرين سنه هلا بالغاليه وشلونتس يالغاليه
-العنود الحمدلله انت وشلونك يبه وشلون امي
-ابوياسر ااااااه الحمدلله الي خلاني اسمك تقولين لي يبه
-ياسر يبه ماتبي تخليني اسلم على العنود
-ابوياسر ههههه سلم سلم عنوده هذا اخوتس ياسر
-العنود هلا ياسر ويسلمون على بعض
-ابومحمد استريحو ياجماعه وجلسو وحط ابوياسر العنود بجمبه
-ابوياسر الحين نبي نستاذنك يابو محمد نبي نمشي
-ابومحمد ??اول تعشو وريحو بعدين يصير خير
-ابوياسر والله ام ياسر تعبانه ومانقدر نتاخر عليها
-ابومحمد متى تبون تمشون
-ابوياسر بس تخلص العنود اغراضها نمشي
-ابومحمد العنود مهي مخلصه الى بعد العشى تعشو وبعدها امشو
-ابوياسر الله يقويك اجل عنوده حاولي تخلصين يابوتس
-العنود ان شالله بروح الحين عن اذنكم
وبعد العشى ودعت العنود اهلها بدموع ماوقفت وقلب يتقطع حزن على فراقهم ومشو العنود وياسر وابوهم
ومشو لدمام وفيه ناس تبكي حزن لفراق العنود وناس تبكي فرح وشوق لشوفت العنود
موضوع: مغتربه بين اهلي-الجزء الاول 
الأحد أبريل 19, 2009 3:35 am
